نوشته شده توسط : مهدی پور

مرا اشَقَت نوازان ، من تی صفایا نخوایم

دو رنگا کنار بنخ  ، رنگ وُ ریا یا نخوایم

بوشویی جِمی کنار تی گرد گیجا بزه ای

اَن اَگِه رسمِ بفایه ، تی بَفایا نَخوایم

تو خیال کونی کی من تی برده یم تو می خودا

می خودا اَگَر بَبی ، من او خودایا نخوایم

غیر من ناشتی خریدار تاتی نازا بَکشه

وا بمانستی الان ، من تی اَدایا نخوایم

در بیابان بلا گر دکفم فنا ببم

تو اگر بقا ببی من او بقایا نخوایم

روز و شب اگر ببی دس به دوعا سودی ناره

بیخودی زاری نوکون من تی دوعایا نخوایم

راضیم فنا ببم روزی هیزاوار بی میرم

می شفا اگر ببی من او شفایا نخوایم

ترا پادشاه می مُلک وجود دانی بدان

من دِ او مُلک و وجود و پادشایا نخوایم

((طیبی ))ره تو واجاورده پلایی چی بگم

وا بدانی کی واجاورده پلایا نخوایم

شاعر : آقای یوسف طیّبی


...




:: برچسب‌ها: شعر گیلکی
تاریخ انتشار : ۱۳٩٢/۱٠/۸ | نظرات ()
 
   
خدایا اگر ندانستم از تو چه بخواهم و از درخواست خودم حیران بودم ؛ تو مرا به آن چه صلاحم هست رهنمون باش.و دلم را بدانچه رستگاری من در آن هست؛متوجه فرماکه چنین کاری از توشگفت آور نیست و از کفایت های توناساخته نمی باشد.